گٹکا مافیا نے کارروائی کیلئے جانیوالی پولیس پارٹی کو یرغمال بنا لیا | اردو میڈیا

admin
admin 13 اکتوبر, 2022
Updated 2022/10/13 at 9:12 صبح
302795 121050 updates
302795 121050 updates

ملزمان نے اہلکاروں پر تشدد کیا، پولیس کی مزید نفری نے اہل کاروں کو ریسکیو کیا اور اسپتال پہنچایا— فوٹو: اسکرین گریب ٹنڈو محمد خان میں منشیات اور گٹکا مافیا نے پولیس اہل کاروں کو جدید اسلحے کے زور پر گھیر کر تشدد کا نشانہ بنایا جبکہ پولیس کی مزید نفری نے اہلکاروں کو چھڑایا۔ٹنڈو محمد خان میں سندھ کے بڑے منشیات اور گٹکا مافیا کے خلاف آپریشن کے دوران حیدرآباد سے اے ایس پی علینہ راجپر کی سربراہی میں جانے والی ٹیم کو  مدبھیڑ کا سامنا کرنا پڑا۔ پہلے سے اطلاع ملنے پر مافیا کے بڑی تعداد میں لوگوں نے پولیس پارٹی کو گھیر لیا اور اسلحے کے زور پر یرغمال بنا کر تشدد کا نشانہ بنایا۔پولیس نے ساتھیوں کو اکیلا نہ چھوڑا اور مزید نفری بھیج کر نہ صرف یرغمالیوں کو بازیاب کروا کر اسپتال پہنچایا اور بڑی مقدار میں منشیات بھی برآمد کرلی۔ ڈی آئی جی کا کہنا ہے کہ اکبر لغاری عرف کنڈا ایک مافیا ہے، اس کو کئی بار تنبیہہ کی گئی لیکن ان کے کان پر جوں تک نہیں رینگی۔پولیس نے چارملزمان کے خلاف انسداد دہشتگری ایکٹ کے تحت مقدمہ درج کرلیا ہے جبکہ مرکزی ملزم اکبر لغاری عرف کنڈا تاحال فرار ہے۔ 

اس آرٹیکل کو شیئر کریں۔
ایک تبصرہ چھوڑیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے