دنیا کی آٹھویں بلند چوٹی سرکرکے واپس آنے والی امریکی کوہ پیماکھائی میں گرکر لاپتہ | اردو میڈیا

admin
admin 27 ستمبر, 2022
Updated 2022/09/27 at 9:09 صبح
300941 104927 updates
300941 104927 updates

عینی شاہدین کوہ پیماؤں کے مطابق چوٹی سر کرنے کے 15 منٹ بعد نیلسن کے ساتھ حادثہ پیش آیا، سرچ آپریشن اہلکاروں کے مطابق موسم کی خرابی کے باعث آپریشن نہیں کیا جاسکتا،ناتھ فیس فوٹومشہور امریکی کوہ پیما ہلاری نیلسن نیپال میں واقع دنیا کی آٹھویں بلند ترین چوٹی سر کرکے واپس آنے کے دوران گہری کھائی میں گر کر لاپتہ ہو گئیں۔غیر ملکی میڈیا کے مطابق ایتھلیٹ اور  امریکی کوہ پیما ہلاری نیلسن نے  اپنے شوہر جم موریسن کے ہمراہ  پیر کے روز دنیا کی آٹھویں بلند ترین چوٹی ‘ماؤنٹ مناسلو’ کو  سر کیا۔غیر ملکی میڈیا کے مطابق اسی دن اس چوٹی کو سر کرنے کے لیے دیگر کوہ پیما بھی نکلے ہوئے تھے، اس دوران بدقسمتی سے برفانی تودہ گرنے سے ایک شخص ہلاک اور ایک درجن سے زائد زخمی ہوگئے ۔مہم میں شریک کوہ پیماؤں کے مطابق چوٹی سر کرنے کے 15 منٹ بعد نیلسن کے ساتھ حادثہ پیش آیا اور وہ  پھسلتے ہوئے  برف میں 2,000 فٹ (600 میٹر) کے خلاء میں گرتی دکھائی دیں، جسے ‘کریوس’ کہا جاتا ہے۔اطلاعات کے مطابق نیلسن کے شوہر موریسن اس واقعے کے بعد بحفاظت کیمپ میں واپس آنے میں کامیاب رہے۔ریسکیو اہکاروں کی جانب سے بتایا گیا ہے کہ موسم کی خراب کی وجہ سے اس وقت سرچ آپریشن نہیں کیا جاسکتا۔

اس آرٹیکل کو شیئر کریں۔
ایک تبصرہ چھوڑیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے