بلوچستان کے 4 اضلاع کے ضمنی بلدیاتی انتخاب میں 223 امیدوار حصہ لیں گے: الیکشن کمیشن | اردو میڈیا

admin
admin 24 ستمبر, 2022
Updated 2022/09/24 at 2:03 صبح
300635 040041 updates
300635 040041 updates

65 وارڈز کیلئے 67 پولنگ اسٹیشن قائم کئے گئے ہیں جہاں پولنگ کا عملہ تعینات کر دیا گیا ہے: الیکشن کمیشن — فوٹو: فائلالیکشن کمیشن کا کہنا ہے کہ بلوچستان میں بارشوں اور سیلاب سے متاثرہ چار اضلاع کی 11 یونین کونسلوں کے 65 وارڈز کی جنرل نشستوں پر ضمنی بلدیاتی انتخابات 27 ستمبر کو ہو رہے ہیں، انتخابات میں مجموعی طور پر 223 امیدواروں میں مقابلہ ہوگابلوچستان کے چار اضلاع موسی خیل، مستونگ، دکی اور لورالائی کی 11 یونین کونسلوں کے 65 وارڈز میں ضمنی بلدیاتی انتخابات کیلئے 28 اگست کی تاریخ مقرر کی گئی تھی تاہم ان حلقوں میں سیلاب اور بارشوں کے باعث پولنگ کا عمل مؤخر کر دیا گیا تھا۔الیکشن کمیشن آف پاکستان کی جانب سے جاری کردہ نئے شیڈول کے مطابق 27 ستمبر کو چاروں اضلاع کے 65 وارڈز میں مجموعی طور پر 34 ہزار 715 ووٹرزاپنا حق رائے دہی استعمال کریں گے۔ضلع موسی خیل کی چار یونین کونسلوں کے 30 وارڈز میں 12 ہزار 802 ووٹرز، مستونگ کی چار یونین کونسلوں کے 22 وارڈز میں 17 ہزار 332، دکی کی 2 یونین کونسلوں کے 12 وارڈز میں 3,598 اور لورالائی کی ایک یونین کونسل کے ایک وارڈ میں 983 ووٹرز حق رائے دہی کا حق استعمال کریں گے۔الیکشن کمیشن کا کہنا ہے کہ 65 وارڈز کیلئے 67 پولنگ اسٹیشن قائم کئے گئے ہیں جہاں پولنگ کا عملہ تعینات کر دیا گیا ہے۔الیکشن کمیشن کے مطابق 4 اضلاع کی 11 یونین کونسلوں کے 65 وارڈز پر ہونے والے ضمنی بلدیاتی انتخابات میں 223 امیدوار حصہ لے رہے ہیں۔ الیکشن کمیشن حکام کے مطابق ضمنی بلدیاتی انتخابات کے حوالے سے تمام پولنگ اسٹیشنوں کو حساس قرار دیا گیا ہے۔

اس آرٹیکل کو شیئر کریں۔
ایک تبصرہ چھوڑیں

جواب دیں

آپ کا ای میل ایڈریس شائع نہیں کیا جائے گا۔