توانائی بحران پر قابو پانے کیلئے اسکول اور دفاتر کے اوقات کم کر دیے گئے | اردو میڈیا

admin
admin 24 اگست, 2022
Updated 2022/08/24 at 1:42 شام
297033 030913 updates
297033 030913 updates

فوٹو: اے ایف پی/فائلبنگلادیش کی حکومت نے ملک میں بڑھتے توانائی کے مسائل کا حل نکال لیا ہے۔غیر ملکی میڈیا رپورٹس کے مطابق بنگلا دیش میں اسکول ہر  ہفتے ایک اضافی دن بند کرنے اور  سرکاری دفاتر اور  بینک میں ایک گھنٹہ کم کام کرنے کا فیصلہ کیا گیا ہے۔بنگلادیشی کابینہ کے سیکرٹری انوار الاسلام نے اعلان کیا کہ مذکورہ فیصلے کا اطلاق بدھ یعنی 24 اگست سے ہوگا۔انہوں نے کہا کہ ملک میں زیادہ تر اسکولز جمعے کو بند ہوتے ہیں لیکن اب یہ ہفتے کو بھی بند ہوا کریں گے، سرکاری دفاتر اور بینک اپنے کام کے دنوں کو آٹھ گھنٹوں سے کم کر کے سات گھنٹے کر دیں گے لیکن نجی دفاتر کو اپنا شیڈول خود ترتیب دینے کی اجازت ہو گی۔خیال رہے کہ بنگلا دیش حالیہ ہفتوں میں اپنی کرنسی پر  آنے والے دباؤ کو کم کرنے کے لیے اقدامات کر  رہا ہے اور اسی مقصد کے لیے بنگلادیش میں گزشتہ ماہ ایندھن کی قیمتوں میں 50 فیصد سے زائد اضافہ کیا گیا تھا۔بنگلا دیشی حکومت کے مطابق  روس سے سستا ایندھن حاصل کرنے کے آپشنز  پر  بھی غور کیا جا رہا ہے۔

اس آرٹیکل کو شیئر کریں۔
ایک تبصرہ چھوڑیں

جواب دیں

آپ کا ای میل ایڈریس شائع نہیں کیا جائے گا۔