امریکی سینیٹر کا پاکستان کے ساتھ تعلقات کو وسعت دینے کی ضرورت پر زور

imran
imran 16 مئی, 2022
Updated 2022/05/16 at 8:25 صبح
6281c6130034a
6281c6130034a

امریکا کے سینئر قانون ساز نے جوبائیڈن انتظامیہ پر زور دیا ہے کہ وہ پاکستان کے ساتھ ‘ناقابل یقین حد تک اہم’ تعلقات کو دوبارہ استوار کریں۔

ڈان اخبار کی رپورٹ کے مطابق سینیٹ کی ذیلی کمیٹی برائے مشرق، جنوبی ایشیا، وسطی ایشیا، اور انسداد دہشت گردی کے سربراہ سینیٹر کرس مرفی نے کہا ہے کہ دونوں ممالک کو اچھے اور بُرے اوقات میں ایک دوسرے کے ساتھ جڑے رہنا چاہیے۔

انہوں نے سفارتی تعلقات کی 75 ویں سالگرہ کے موقع پر ایک خصوصی پیغام میں کہا کہ ہر طرح کے دوطرفہ تعلقات کی طرح اس میں بھی اتار چڑھاؤ آئے ہیں لیکن یہ وقت کی کسوٹی پر پورا اترا ہے اور میں اگلے 75 سالوں تک امریکا اور پاکستان کے درمیان تعلقات کو مزید فروغ دینے کا منتظر ہوں۔

امریکا میں پاکستانی سفیر سردار مسعود خان نے سینیٹر مرفی کے اس اقدام کو سراہتے ہوئے کہا کہ وہ پاکستان کے سچے دوست ہیں اور ہر سطح امریکا اور پاکستان کے قریبی تعلقات کے مضبوط حامی ہیں۔

سفیر کا مزید کہنا تھا کہ ’یہ تعلق اقتصادی مواد کے ساتھ دوبارہ دنیا کے سامنے آئے گا۔

سینیٹر مرفی نے کہا کہ کہ پاک امریکا تعلقات ’ناقابل یقین حد تک اہم‘ ہیں اور اس اہمیت کو سینیٹ نے بھی تسلیم کیا ہے۔

پاکستان کی سماجی و اقتصادی ترقی میں امریکا کے تعاون کو اجاگر کرتے ہوئے سینیٹر کرس مرفی نے کہا کہ ’ہم نے یو ایس ایڈ کے منصوبوں کے ذریعے پاکستانی جمہوریت کی تعمیر اور مشترکہ سیکیورٹی کے منصوبوں پر مل کر کام کرنے کے لیے اہم وسائل وقف کیے ہیں‘۔

اس آرٹیکل کو شیئر کریں۔
ایک تبصرہ چھوڑیں

جواب دیں

آپ کا ای میل ایڈریس شائع نہیں کیا جائے گا۔

ہمارا فیس بک پیج لائک کریں۔

ہمارے فیس بک پیج کو لائک کرکے تازہ ترین اپڈیٹس حاصل کریں۔


This will close in 30 seconds

AllEscort